منتديات الحب بالله
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتديات الحب بالله

منتديات الحب بالله
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 مسلسل نور وسنوات الضياع

اذهب الى الأسفل 
كاتب الموضوعرسالة
tota_baskota
مشرف قسم الضحك والفرفشة
مشرف قسم الضحك والفرفشة
avatar

عدد المساهمات : 265
نقاط : 295
تاريخ التسجيل : 06/02/2009
المزاج : رايق

مُساهمةموضوع: مسلسل نور وسنوات الضياع   الجمعة فبراير 13, 2009 11:52 am

بصراحة عجبني التفاعل بالنسبة للموضوع السابق و يلي ما كنت متوقع هيك . على العموم يلي مالو عرفان ليه الناس مهتمه ب المسلسل التركي نور و قبلو باب الحارة بدي حط مقطتفات من اكتر من حوار شي صار معي و شي مع معارفي و انتو بتعرفو ليه الناس و خاصة النساء عاجبهم المسلسل و منشدين إلومتزاعل مع زوجته رايح يجيبها من بيت اهلها
انا: يا زلمة خدلك بوكيه ورد معك
الزوج : نعم؟؟ ليه يعني
انا : هيك حركة حلوة منك
الزوج: شو شايفني طنط ولا هبيلة متزاعل مع زوجته و إلها شهر ببيت اهلها
أنا: يا زلمة والله عيب عليك انته الغلطان و فوق هيك منطنشها
الزوج: هي طلعت لحالها , زي ما طلعت من بيتها بترجع و رجلها فوق راسها
أنا: بس انته الغلطان معها
الزوج : انا حر , و الباب بفوت جمل
——————-
هي: بتعرف انه ما عمرو حالكي بحبك
أنا: عنجد ,ممم اديه الكم متزوجين
هي: سنتين
أنا : يمكن لأنه الكم فترة مع بعض و هيك عادي يعني
هي : لأ ما عمره حكاها , بحكيلي انه انا لازم احس فيها و بس
——————–
في عيد ميلادها
الزوج : اليوم عيد ميلاد المرا
أنا : طيب شو بدك اتجيبلها
الزوج: شو بدي اجيبلها يعني !!
أنا : ممم مثلا مثلا هدية صغيرة حلوة
الزوج: شو شايفني مراهق
أنا : لا بس مو لازم تجيبلها شي
الزوج : بدي اجيب عشا جاهز
انا : واو
—————-
الزوجة : مش لو بتخفف من الشعر يلي تحت عينك
الزوج: عفوا؟؟
الزوجة:يعني شوي هيك منظرهم بخوف ( الطف من بقرف )طوال اكتير و سود
الزوج : حرام , و شو شايفتيني انظف شعر من وجهي !!!!!
الزوجة: أسفة مو ئصدي
—————-
الزوجة : خلينا نطلع هيك و نعد بحديقة او مكان في عشب و هيك
الزوج: مش فاضي
الزوجة : طيب يوم الجمعة , هيك ابو نص ساعة
الزوج : كبري عقلك يا مرا , صار عنا ولاد وبدك تطلع على حديقة تقعدي
الزوجة : بس
الزوج: خلص مافي داعي , بدي انام
——————–
ماشين بالشارع و الزوجة بتحاول تمسك ايد زوجها
الزوج : مالك ؟؟؟
الزوجة : ولا شي عادي ما بصير امسك ايديك!!
الزوج : لأ طبعا شو بنت زغيرة امسك ايدك!!
———————
الزوجة : حبيبي جبلتك هدية
الزوج : ليش ؟؟
الزوجة : هيك شفتها و عجبتي و حبيت اجبلك ياها
الزوج: شو هية
الزوجة : عطر فرنسي
الزوج : و قديش حقو ؟
الزوجة :انسى
الزوج : لأ بدي اعرف احكي
الزوجة : 15دينار( السعر 35 بس مشان وقع الصدمة )
الزوج: على شووو كل هاد عشان قزازة عطر , واااال , ما انا بجيبها بدينارين من عند ابو السعود, 20 دينار لا حول ولا قوة إلا بالله ما بتخافي الله
الزوجة: هي مرة بالعمر (و تندم على الساعة يلي فكرت انها تشتري شي )
الزوج: مش لو جيبتي فيها اشي مفيد احسن لك, نسوان عقلكم صغير
—————–

و أمثلة كتيرة , يلي عم بشوف المسلسل و الرومنسية و الحكي المعسول و الدلع و و تشوف انه زوجها بأبسط الامور ما عندو حس الإحساس قبل الرومنسية , او خلينا نحكي اللطف بالحكي على الأقل اكيد بدو يعجبها هيك مسلسل و هيك حركات

و قبلو باب الحارة , يلي الرجل بغار على مرتو و المرة بتصون بيتها و الكلمة الرجال ما بتصير تنتين و العالم حست انه هاد الشي ناقصها لأنه لسا في رجال ترجو نسوانهم انه تطبخ لهم

ف بظن انه هيك مسلسل طرب على الوتر الحساس يلي اغلب الرجال بالوطن العربي ماعندهم حس #

كلامك فيو كتير من الصحّة…
و مع اني بشوف مسلسل نور سلسل تافه الصراحة و ما فيو قصة ولا اشي مهم، لكن اللي بسطني انو مهنّد -و عذراً من الجميع- ربّى الزلام العرب!!
يعني المرة لازم دايماً و أبداً تسكت لما تشوف جوزها بيتفرج على جميلات التلفزيون و اقصى ما يمكن ان تفعله هو ان تهلك نفسها بالريجيمات و الحميات و من صالون لصالون لحتى تنال منو “نظرة اعجاب”… و بتكون امها داعيتلها اذا نالتها
خلي الرجل العربي يشوف ظهور رجل جميل جداً و جذاب و يلفت انظار السيدات شو ممكن يعمل
مو عاجب الرجال؟ اوكي… لكان ضبوا عيونكم و ماتتفرجوا انتو كمان
هاد من ناحية
و من ناحية اخرى، ليش الرجل العربي بيعتبر انو اظهار الرومانسية يعتبر ضعف او انتقاص من الرجولة؟
يا جماعة فهموا بقى!!! الرجل الخشن الغليظ لا بيفوز بقلب مرتو ولا برضى الله و لا بحب ولادو…
الرجل ياللي بيخشب مشان يثبت انو رجل هاد مو واثق من حالو
الرجل الحقيقي هو الرقيق مع زوجتو و الحنون عليها… السبب اللي خلى كل الستات تتعلق بمسلسل نور هو الرومانسية اللي ما عم يشمّوا منها اشي ببيوتهم… رومانسية ناطقة بالعربية…
يعني مهنّد ما بيحطّ واطي لنور، و بيزعّلها لما لازم يزعلّها، بس ولك بيعتذر!!! بيراضي!!! بيصالح!!! و لما يكونوا رضيانين من بعض بيعاملها احسن معاملة!!!
و على سيرة باب الحارة، واحد مرة معرفتنا بيقول لمرتو: لك هدول نسوان و انتو نسوان!! المرة فيهم بتسوى تقلها دهب!!!
فردت مرتو: كونو رجال متلهم نحنا بنكون نسوان متلهم!!!!
مسلسل نور تافه… لكنو ربى الرجال العرب Smile
و سورريييي نو اوفينس يا جماعة Smile
#
مستر بلوند says:
6 July 2008 at 11:17 am

يمكن ما وافقت بكل ما تكلمت .. إلا ما يبقى رجال فهمانين أو مقدرين
ولكن تبقى الغالبية الباقية يلي حكيت عنهم طاغية أكثر

بس لا يعني أن المسلسل فظيع ورهيب وشغلة .. برأيي مسلسل أهل الغرام أحلى منو بكثير
انتبه أهل الغرام وليس مسلسل “سيرة الحب” القائم يلي نصو رزالة وتخبيص وقصص بحياتها ما بتصير إلى بالعمر مرة

بالمجمل مو كل مين حط الصواني صار حلواني
#
farah m says:
6 July 2008 at 11:25 am

الله يعينها عليه Sad Sad
. . .. .

الفكرة كتير صحيحة … انو بدن شي متل هيك او يصيروا زواجهن هيك

بس المشكلة انو زواجن ما هيصيروا لو تفرجوا على مية مسلسل

وما هتستفيد هي ازا تفرجت غير انو تتحسر والصبايا يحلموا عالفاضي :p

بقول السبب لمتابعة هالمسلسل هو الفضاوة …
وكمان أنو شي جديد عالساحة يعني تركي ومدبلج وموضة جديدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
EMAN EL.SHERIF
المشرف العام
المشرف العام
avatar

عدد المساهمات : 117
نقاط : 173
تاريخ التسجيل : 17/05/2009
العمر : 26
المزاج : cool

مُساهمةموضوع: رد: مسلسل نور وسنوات الضياع   الأربعاء مايو 27, 2009 2:15 pm

والله فعلا ان مسلسل نور هايف جدااااااااااا وما بيهدف لشئ ومالوش موضوع

مشكورهtota_baskota على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tota_baskota
مشرف قسم الضحك والفرفشة
مشرف قسم الضحك والفرفشة
avatar

عدد المساهمات : 265
نقاط : 295
تاريخ التسجيل : 06/02/2009
المزاج : رايق

مُساهمةموضوع: رد: مسلسل نور وسنوات الضياع   الإثنين يونيو 01, 2009 5:36 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسلسل نور وسنوات الضياع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحب بالله :: المنتديات العامة :: انتقاض مسلسلات-
انتقل الى: